Olise alivyo onja upande wa pili wa soka

Timothy Lugembe,

Mwanakwetusports.

Kwa mara ya kwanza katika soka la wakubwa, kiungo mshambuliaji wa Bayern Munich, Michael Olise, ameonyeshwa kadi nyekundu katika mchezo wa Ligi ya Mabingwa Ulaya dhidi ya Viking FK.

Tukio hilo limetokea Oktoba 13, 2026, wakati Bayern Munich ilipokutana na Viking FK katika mchezo uliomalizika kwa sare ya mabao 3-3.

Olise, ambaye amekuwa akitambulika kwa mchango wake katika safu ya ushambuliaji, alipewa kadi ya kwanza ya njano dakika ya 73 baada ya kumchezea madhambi mpinzani.

Hata hivyo, mambo yalibadilika muda mfupi baadaye baada ya kurusha mpira kuelekea usoni mwa nahodha wa Viking FK, Zlatko Tripić. Mwamuzi wa mchezo huo alimwonyesha kadi ya pili ya njano na kumfanya aondoke dimbani.

Kadi hiyo imeweka alama mpya katika safari ya Olise kwenye soka la wakubwa, baada ya kucheza bila kutolewa kwa kadi nyekundu katika kipindi kirefu.

Pamoja na tukio hilo, Olise aliwahi kupata kadi nyekundu akiwa katika timu ya vijana ya Reading mwaka 2019, hivyo tukio la Bayern Munich linahusu kadi yake ya kwanza nyekundu katika soka la wakubwa, si maisha yake yote ya soka.

0767915473,

lugembetimothy01@gmail.com.