Messi aendelea kuweka alama kwenye historia ya soka

Timothy Lugembe,

Mwanakwetusports.

Mshambuliaji raia wa Argentina Lionel Messi ameendelea kufukuzia na kuvunja rekodi katika soka, baada ya kufikisha mabao 76 ya mipira ya adhabu (free-kick), akibakiza mabao mawili kuwa kinara wa muda wote.

Messi sasa anashika nafasi ya pili kwenye orodha ya wafungaji bora wa free-kick akiwa na mabao 76, nyuma ya Mbrazil Marcelinho Carioca anayeshikilia rekodi hiyo kwa mabao 78.

Katika orodha hiyo, Jair Rosa Pinto anashika nafasi ya tatu akiwa na mabao 74, akifuatiwa na Roberto Dinamite mwenye 73 huku Juninho Pernambucano akiwa na 72.

Kwa kufikisha mabao hayo, Messi ameendelea kusogea karibu na kuvunja rekodi iliyodumu kwa muda mrefu, huku akihitaji mabao mawili pekee kumpita Carioca na kuwa kinara wa muda wote wa ufungaji wa free-kick.

Hatua hiyo inaongeza rekodi nyingine kwenye historia ya Messi, ambaye katika kipindi hiki cha mwisho cha maisha yake ya soka bado anaendelea kuweka alama katika takwimu mbalimbali.

0767915473,

lugembetimothy01@gmail.com.