Mbappe na kauli za kuitaka Ballon d'Or kwa jasho na damu

Timothy Lugembe,

Mwanakwetusports.

Mshambuliaji wa Real Madrid, Kylian Mbappe, ameendelea kujiweka kwenye mjadala kuelekea tuzo za Ballon d’Or baada ya kueleza wazi kuwa anaamini msimu wake unampa nafasi ya kutwaa tuzo hiyo.

Mbappe amesema amekuwa na mwaka mzuri binafsi na anaamini ubora wa mchezaji binafsi ni miongoni mwa vigezo muhimu vinavyotumika katika kuamua mshindi wa Ballon d’Or, kitu ambacho kwa asilimia kubwa amekitimiza kwa kuwa mfungaji bora kwenye mashindano yote makubwa msimu uliopita.

 “Nimekuwa na mwaka mzuri binafsi na sasa ninaamini hicho ndicho kigezo muhimu zaidi kwa Ballon d’Or,” alisema Mbappe.

Mbali na hilo, nyota huyo ameeleza kuwa alikuwa mfungaji bora katika mashindano yote aliyoshiriki, jambo analoliona kama sehemu ya msingi ya hoja yake katika kuwania tuzo hiyo.

“Nadhani unaweza kuwa mwaka mzuri na sahihi kwangu kushinda, najihisi hivyo kwa ndani kabisa,” alisema.

Kauli hizo zinakuja wakati ushindani wa Ballon d’Or ukiwa mkubwa, huku wachezaji kadhaa wakiwa na takwimu na mafanikio yanayowaweka kwenye mjadala wa tuzo hiyo.

Hata hivyo, suala hilo haliishii kwenye takwimu pekee bali Kauli zake za kujiamini zinaweza pia kujenga simulizi linaloambatana na jina lake kuelekea kipindi cha upigaji kura, kwa kuwa kampeni ya mchezaji binafsi pia inaweza kusaidia kuweka mafanikio yake kwenye mjadala wa hadhira.

Mbappe hakuficha pia matarajio yake, akisema angekuwa amekata tamaa iwapo hatashinda tuzo hiyo.

Kwa mtazamo huo, Mbappe anaonekana kutaka kuwasilisha hoja yake kabla ya uamuzi wa mwisho, akisisitiza ubora wake binafsi na nafasi yake miongoni mwa wanaowania tuzo hiyo.

0767915473,

lugembetimothy01@gmail.com.