Ashindwa kutambuliwa kisa mafanikio ya timu ya taifa

 

Timothy Lugembe,

Mwanakwetusports.

Mchezo wa MLS kati ya Chicago Fire na Inter Miami uliomalizika kwa sare ya 1-1, lakini kilichozungumzwa zaidi baada ya mchezo huo ni maneno ya Rodrigo De Paul kwa Robert Lewandowski.

Katika dakika za mwisho kulitokea purukushani miongoni mwa wachezaji huku lewandowski akihusika , katika mzozo huo De Paul alimtaka Lewandowski ajieleze kuhusu mafanikio yake akiwa mchezaji wa timu ya taifa,huku  akitaja kuwa yeye ameshinda Copa America mbili pamoja na Kombe la Dunia.

"WEWE NI NANI? MIMI NIMEBEBA COPA AMERICA MBILI NA KOMBE LA DUNIA, WEWE UMEBEBA NINI?" Swali la DePaul kwa lewandowski.

Kauli hiyo ilimrudisha Lewandowski kwenye mjadala ambao umekuwepo kwa miaka kadhaa; je, mchezaji hupimwa zaidi kwa mafanikio ya klabu au kwa kile alichofanya kwenye timu ya taifa?

Lewandowski ana historia iliyojengwa kupitia mabao, akiwa Bayern Munich, aliisaidia timu hiyo kushinda mataji mbalimbali, ikiwamo Ligi ya Mabingwa Ulaya msimu wa 2019/20. Baadaye alihamia Barcelona na kuendelea kuwa sehemu ya timu iliyopambana kwa ajili ya mataji nchini Hispania.

Hata hivyo, tofauti yake na De Paul inaonekana zaidi wanapozungumzia timu za taifa, De Paul alikuwa sehemu ya Argentina iliyoshinda Copa America na baadaye Kombe la Dunia, Mafanikio hayo yameipa Argentina historia ambayo Poland haijapata katika kipindi ambacho Lewandowski amekuwa kinara wa timu hiyo.

Ndiyo maana maneno ya De Paul yanaweza kumuumiza Lewandowski katika mjadala wa mafanikio ya kimataifa, lakini hayawezi kufuta kile ambacho mshambuliaji huyo amefanya katika ngazi ya klabu.

Kwa hiyo, tatizo si kwamba Lewandowski hajafanya kitu, tatizo ni kwamba katika soka la kimataifa, historia yake haijafikia kilele ambacho De Paul tayari amekifikia.

Hapo ndipo tofauti yao ilipo, Lewandowski ana mabao na mataji ya klabu, wakati De Paul ana historia ya kushinda mataji makubwa akiwa na Argentina.

Na katika mchezo ambao kila kizazi hutafuta alama ya kuacha, hilo ndilo lililofanya kauli ya De Paul kuhusu Lewandowski kuibua mjadala mkubwa baada ya sare hiyo ya MLS.

0767915473,

lugembetimothy01@gmail.com.