Timothy Lugembe,
Mwanakwetusports.
Rais wa FIFA, Gianni Infantino, amesisitiza kuwa wachezaji wanaofunika midomo yao wakati wa mabishano uwanjani wanapaswa kuadhibiwa vikali, akipendekeza waonyeshwe kadi nyekundu endapo kauli zao zitahusishwa na ubaguzi.
Infantino amesema hatua hiyo ni sehemu ya vita dhidi ya ubaguzi katika soka, akieleza kuwa mara nyingi kitendo cha kuficha mdomo huashiria kuwa kuna jambo lisilofaa linasemwa.
“Ikiwa mchezaji atafunika mdomo na kusema jambo lenye athari ya kibaguzi, basi lazima apewe kadi nyekundu,” alisema Infantino, akiongeza kuwa kunapaswa kuwa na dhana kwamba kuna kitu kisichofaa kimesemwa kama mchezaji anajificha.
Kauli hiyo imekuja kufuatia tukio la madai ya ubaguzi lililomhusisha Vinicius Junior katika mchezo wa Ligi ya Mabingwa Ulaya, tukio lililochochea mjadala mkubwa kuhusu matumizi ya lugha ya kukera uwanjani.
Hatua zinazopendekezwa zinatarajiwa kujadiliwa zaidi na watunga sheria wa soka kwa lengo la kuimarisha mapambano dhidi ya ubaguzi na kuongeza uwajibikaji kwa wachezaji.
0767915473,
lugembetimothy01@gmail.com.
Post a Comment