Timothy Lugembe,
Mwanakwetusports.
Michuano ya Kombe la Mataifa ya Afrika (AFCON 2025) imeendelea kuthibitisha kuwa soka si mashindano ya mabao na alama pekee, bali pia ni jukwaa lenye nguvu ya kuakisi hisia, historia na uzalendo wa bara la Afrika.
Hili lilidhihirika kupitia tukio la kipekee lililoandikwa na shabiki wa Jamhuri ya Kidemokrasia ya Congo (DR Congo), Michel Mboladinga, akisimama katika dakika 438 za safari ya timu hiyo kwenye mashindano hayo huku akiwa ameinua mkono wake juu akitoa heshima kwa shujaa wa Afrika na aliyekuwa Waziri Mkuu wa kwanza wa Congo, Patrice Lumumba, Kitendo hicho kiligeuza uwanja wa mpira kuwa jukwaa la kumbukumbu na tafakari ya historia ya Afrika.
Wakati DR Congo ikiendelea kupambana uwanjani kutafuta ushindi na heshima ya taifa, ujumbe wa Mboladinga uliongeza maana ya mapambano hayo , Uliwakumbusha mashabiki kwamba soka ni zaidi ya matokeo, likigusa masuala ya utambulisho, historia na mapambano ya Waafrika.
AFCON 2025 imejaa ushindani mkubwa, vipaji vya hali ya juu na mbinu za kisasa za soka kutoka mataifa mbalimbali.
Hata hivyo, kwa DR Congo, dakika 438 zimebeba simulizi tofauti ni dakika zilizobeba mapenzi ya dhati, heshima na kujitoa kwa shabiki huyo aliyethibitisha kuwa sauti ya mashabiki inaweza kuwa na uzito mkubwa kama ile ya waliopo ndani ya uwanja.
Kupitia tukio hilo, Michel Mboladinga ameacha alama isiyofutika katika historia ya AFCON 2025, akithibitisha kuwa soka la Afrika linaish ndani na nje ya uwanja pia linapumua kwa mioyo ya mashabiki wake.
Makala hii inaonesha wazi kwamba katika michezo si kila shujaa huvaa jezi wengine hubeba ujumbe.
0767915473,
lugembetimothy01@gmail.com
Post a Comment