Timothy Lugembe,
Mwanakwetusports.
Arsenal imeendelea kuthibitisha kuwa ubabe wao hauishii tu katika Ligi Kuu England (EPL), bali hata Ulaya nzima imeanza kuheshimu moto wa Mikel Arteta, baada ya kuicharaza Bayern Munchen mabao 3–1 kwenye UCL katika dimba Emirates.
Shughuli ilianza dakika ya 22', Jurrien Timber alifungua ukurasa wa mabao kwa shuti safi lililowapoteza kabisa walinzi wa Bayern, Hata hivyo, walijibu mapigo kupitia Karl dakika ya 32', lakini hilo lilikuwa ni kama kuamsha hasira za vijana wa Arteta.
Kipindi cha pili kiligeuka tamthilia ya Arsenal, baada ya Madueke dakika ya 69 kuongeza bao la pili , na dakika ya 77' Gabriel Martinelli akakamilisha kazi kwa bao safi lililozima kabisa matumaini ya Wajerumani hao.
Ushindi huu umeibua mjadala barani Ulaya kuwa Arsenal si timu ya EPL tu ni klabu inayokuja kwa nguvu kubwa katika michuano ya bara hilo, ikionesha nidhamu, kasi, na ubunifu wa hali ya juu huku ikiwa inaongoza ikiwa na alama 15 michezo mitano ikiwa haija dondosha alama yoyote.
Kama mwelekeo huu utaendelea, basi si ajabu kusema kwamba Arsenal sasa imeingia rasmi katika orodha ya vigogo wanaotazamwa kuwania kwa ukaribu ndoo ya UCL, muda ndio utajibu kama The gurners wataushangaza ulimwengu kwa kunyanyua kikombe kimoja wapo kati ya EPL au UCL.
Matokeo mengine ni pamoja na
Copenhagen 3-2 Kairat Almaty, Pafos 2-2 Monaco, Atletico Madrid 2-1 Inter Milan, Frankfurt 0-3 Atalanta, Liverpool 1-4 PSV, Olympiacos 3-4 Real Madrid, PSG 5-3 Tottenham, Spitting CP 3-0 Club bruge.
0767915473,
lugembetimothy01@gmail.com.
Post a Comment