Timothy Lugembe,
Mwanakwetusports.
Klabu ya Manchester United wako hatua moja kumaliza usajili wa kiungo chipukizi kutoka Fortaleza, Cristian Orozco (17), ambaye amekuwa akivutia macho ya matajiri wa Old Trafford kutokana na uwezo wake uwanjani.
Taarifa zinaeleza kuwa Orozco anatarajiwa kutua Uingereza siku chache zijazo ili kukamilisha vipimo vya afya pamoja na taratibu zote za mwisho za kujiunga rasmi na Mashetani Wekundu. Endapo zoezi hilo litakamilika bila mizengwe, kijana huyo ataingia kwenye mpango wa maendeleo ya United kabla ya kupanda kikosi cha wakubwa.
Manchester United wameripotiwa kukubali kulipa ada ya usajili ya takribani dola milioni 1 ($1m), huku mpango ukionesha kwamba Orozco atajiunga na klabu hiyo kuanzia Juni 2026 baada ya kukamilisha masharti yaliyowekwa na Fortaleza.
Usajili huu unaonekana kuwa sehemu ya mkakati wa muda mrefu wa United kujenga upya kikosi chenye vipaji vya baadaye, huku Orozco akitajwa kuwa miongoni mwa vijana watakao ijenga timu hiyo.
0767915473,
lugembetimothy01@gmail.com
Post a Comment